يا غلاي البُعد عقبـك سمّنـي
واللقا ترياقهـا عـن سمّهـا
ضمّني للناظريـن وضمّنـي
للضلوع ليا حنانـك ضمّهـا
وبعثر اطرافي وعاود لمّنـي
بالكفوف اللي حييـت بلمّهـا
خصّني شعرك ، وحبّك عمّني
لبّا حبّك والطـروق وعمّهـا
والعواذل حكْيها مـا همّنـي
وش لي بناسٍ تـدوّر همّهـا؟
ولو كلام أهل المذمّه ذمّنـي
والله اني مـا دريـت بذمّهـا
شالني كف الغـرام وزمّنـي
مثل طفله تضحك لمن زمّهـا
الحبيبـه.. والقريبـه سمّنـي
ولاّ تدري؟ انت ابوها وسمّها
*************************************
أحـب زولـه وأحـب طولـه وأمـوت بــرزة عقـالـه
وأحـب ولاعتـه وعطـره وبوكـه وكـل حاجـاتـه...
وأحـب سيارتـه واسـمـه ورسـمـه ورقــم جـوالـه
وأحب ورعان شارعهم ونغمـة صـوت هرناتـه...
وأحب حكيه وأحب صمته وأحـب أيامـي بوصالـه
وأحب غشمرتـه وجـده وأهـوى حتـى زعلاتـه
*************************************
ولا اهتميت فـي نـاسٍ ضعيفـه خبيثـة عقـل وقلـوب ونوايـا
ليا منهم لقـوا للخبـث فرصـه تشوف افواههم تزبـد رغايـا !!
ولامـن ردت انسـاب وعشايـر فانـا ربعـي مطنايـخ السرايـا
رجال العز واهـل الطيـب كلـه الا ضاقت ذكـرت انهـم ورايـا
((دواسر )) لا اعتزو بااولاد زايد يطيح الخصم وعظامه شظايـا
الا حان الخطـر يـوم الهوايـل ترامو من على حـوض المنايـا
ولاانقـص مـن شـان القبايـل وكـل فيـه مـن طيبـه مزايـا
وختام القول مـن يبغـا خطامـه ينوش اليوم اشعـار الصبايـا
***************************************
لا تجيني بكـلّ الحـب دوبـك عليّـه
ما تعوّد خفوقي كـل هـذي المحبّـه
خايفه مع كثير الحـب تاتـي المنيّـه
لا تعجّل مماتي .. حِبّني حبّـه حبّـه
المشاعـر ضعيفـه والمـودّه قويّـه
والركـاده ليـا زاد الهـوى مستحبّـه
وانت تدري بطبعـي والوفيّـه وفيّـه
تكره اللي كرهت وما تحبّه .. تحبّـه
غاب نور الكواكب ، قلّـت الجاذبيّـه
وضاق وسع المجرّه يوم قلبك رحب به
كيف ابوفي جميلك والعطا ، والعطيّـه
كثر نجـم الليالـي والسنابـل وحبّـه
يـا حبيبـي طلبتـك لا تـردّ الهديّـه
خذ حياتي فداك و هذا راسك .. واحبّه
****************************************
عينـي تِهلّـي لا لفانـي رسـولـه
وتحضن حروفه لا قريـت الرسالـه
والقلب يرقص كل ما شفـت زولـه
رقص البنات اللـي مـع البرتقالـه
ترتـاح نفسـي لا تهيّـا وصـولـه
وأذكر عليـه الله مـن اللـي نوالـه
مثل المطر لا مـن لمحنـا هطولـه
تزخـر دعاوينـا بلفـظ الجـلالـه
كنّه مَلك هالكـون عرضـه وطولـه
ومـن هيبتـه للمُلـك فيـه الدلالـه
فيه التواضـع والعقـل والرجولـه
زودٍ على الطيبـه وكثـر الجزالـه
وفيه المهابه ..فارسٍ مـن حمولـه
وطيبه مطيّب طيـب عمّـه وخالـه
خطـاه صايـب واعتدالـه ميـولـه
وكذباته تصـدّق ، وظلمـه عدالـه
وليلـه نهـار ، ومشكلاتـه حلولـه
وصيفه ربيع ، وواقعي فـي خيالـه
نال (الغلا) من قبـل غيـره ينولـه
وألبستـه وسـام المحبّـه ونـالـه
وأفهم كلامـه مـن قبـل لا يقولـه
لا شفـت عينـه قلـت هـذا مقالـه
وأزعل على غيره ولانـي زعولـه
ولو هو زعل ترخص حياتي رضا له
عشقي له أقدم من زمـان الطفولـه
قبل ألبـس الشيلـه ويلبـس عقالـه
والروح كوكب دايـم الـدوم حولـه
وإن غاب عنـي مـا اتّعـدّا مجالـه
حبّي لغيـره مـا يجـي بالسهولـه
------------------------------------
موضوع: قصائد حب 
الإثنين 17 يناير 2011 - 13:15
