ويت أرسمك ياحرف القصيد اللي عجزت أقراه
............................ دهاني من جبين الشمس .. وهجٍ زوّد العلة
عزفت من القصيد أحلى نزيفٍ يوم جيت أنخاه
............................ تتوه الحان طاروقه .. بين الطيف و الطلّة
شحذت الريشة اللي له على لون الهوى و الآه
............................جنون الشعر و الشاعر مع الراوي على الدّلة
غصون الشوك ترسمني,و انا ارسم من عشقت و تاه
............................بلوحاتي رميت اللون رماد ٍذاب به كلّه
قصيدي حرف .. و حرفي نزف .. و جرحي به عجزت أمحاه
............................تبادرت الحروف بلونها الباهت على حِلّه
دخيلك .. لا تبسمت .. انتظر مجنونها ,, و ليلاه
............................دخيل البرق لا حطم غرور الكون و العلة
دخيل عيونك اللي .. تسحر المسحور لو ينساه
............................دخيل الرمش لافل الهدب .. على القمر فِلّه
دخيل القد .. و مبدا الصد .. دخيل الحب ..انا واياه
............................دخيل أحضان ليل تاه .. بين البحر و التلّه
دخيل أحلى القصايد لا لبس .. تاج القصيد أحلاه
............................ دخيل الكلمة .. اللي ترتمي بأحضانها جزلة
بغيت أرسمك ياكل القصيد .. بحرف حبٍ و تاه
............................شهق كل القصيد .. و فرّت حروفي .. من الذلة
بااااي دي دي احلاكم************
موضوع: شعر جبين الشمس !! 
الأربعاء 19 أغسطس 2009 - 21:30
