\
\
\
Keeping it .. real
يا معشر الأوتاكو
ما ملّيتوا بربرة وكثر حكي؟
ماحسيتوا اننا "
بدخل نفسي معاكم كيفي خخ " /
اننا من كثر الردود كل شوي فاتحين كافيه جديد
حسيت اننا جافا تايم مو كافيه الأنمي / باقي بس نفتح فروع في الوزارات
ونسيطر على العالم خخخ
زحمة الأمور تنسّينا دايم حقيقة الواقع
أشرحها لكم أكثر ..
(
اي نعم ! هالمرة موضوع الكافيه بيكون طويل مثل ما
كان قبل لا تجي سورا وصبا خخخ )
(
وبعدين هذا موضوع البربرة اذا ما بربرت هنا وين بـ
بر بر خخخ )
مابين رد وقراية موضوع ومابين فكرة وصورة ورسم
ننسى إننا بشر أولا خخخ / وننسى إننا آوادم داخلين من بيوتنا للنت
يعني الشاشة تصير عالمك / وتنسى انك قاعد على الكنبة مثلا وجنبك كتب
المدرسة وقدامك كوفي حار عالطاولة
قليل اللي يلاحظ
واللي يلاحظون أغلبهم توهم مبتدئين في ادمان النت
فـ يلاحظون بين فترة وفترة / انهم "
نسوا "
نفسهم داخل الشاشة تماماً
طبعا مايحتاج أقول انها مسألة وقت لين ماعاد ينتبهون لـ هالشي ابدا ويصيرون
مثلنا الحين خخخ
سو
أول نقطة أبي أوصل لها وهو اننا نحاول نتذكر اننا "
عالم " داخل "
عالم "
بعدها نبي ندمج العالمين سوا / ندخل الواقع بالنت والخيال بالواقع !
كذا كل واحد فينا راح يرجع لـ إبداعاته الأصيلة
وادري كلكم ماتعرفون شنو يعني "
الأصيلة " وبس
قاعدين تهزون راسكم خخخ
الأصيلة يقابلها للي يدرسون انجلش بما انهم وايد / Original
لما تطلع فكرة من ذات الشخص / وليدة أفكاره -- شي مافي مثله ابد / هذه
أصالة
انا ما ادرس عربي بس لو شرحي غلط / اهم شي فهمتهم انا وين ابي اوصل >
اقرب مخرج ههه
نفتقد في القسم للأصالة / بكل صراحة
هذا ما يلغي الأعمال البطلة اللي قاعدين نشوفها
لكن أغلبها إذا ماكانت كلها / فكرة تقليدية شايفين منها لين شبعنا
يعني "
تقرير انمي - مسابقة معينة - كلوب جديد "
حان الوقت اللي ننفجر فيه !
ودي لو كل عضو/ة يرجع لنفسه ويطالع حوالينه ويشوف وش يقدر يعطينا من بيئته
لـ قسمنا
والأفكار الأصيلة تبدا من أتفه الأشياء / اعطيكم مثال
ارفع راسك من شاشة اللاب توب شوية .. طالع حواليك ! واكتب موضوع تشرح لنا
فيه بيئتك وجوّك وانت تتصفح الأنمي وتتابع حلقاته
لما تبدا تكتب الموضوع / عبّر عن نفسك بشفافية وبدون لا "
تخبّي " شي !
ومع الكتابة بتطلع براسك افكار من هنا وهناك لين يكتمل الموضوع
أحلف / ان هـ الموضوع بيلاقي أصداء واسعة وردود مثل ردود الكافيه خخخ >
الحين لازم اصوم 3 ايام؟ ههه
أي فكرة مقبولة عندنا بـ القسم / أي فكرة
شحّ المواضيع يرجع لـ أسباب كثيرة / في رايي هذا أهمها
وهو إن كل الموجودين لا شعوريا / شايفين ان الأنمي اللي يحبونه ما يقدرون
ينزلون عنه تقرير مثلا لان في له اولريدي تقرير / ويهوّن
جا الوقت اللي نحاول نطلع بفكرة جديدة /
أصيلة / وبدال ماننزل تقرير ننزل شي جديد عن انمينا المفضل / وادعسسسس يا صاحبي !
والسبب الرئيسي الثاني هو إن فيه حالة "
فوبيا " عجيبة من عدم القدرة على التنسيق !
ترى مو شرط يكون الموضوع ملوّن وخلفية وصور بحجم معين عشان يطلع بطل ! قسم
بالله مو شرط خخخ
فيه مواضيع من أحلى المواضيع اللي قريتها بـ اقلاع / احلف لكم ان مافيها
لون ثاني غير الأسود ههه
ومع هذا الموضوع رايح المميزة وممتع ممتع لأبعد درجة
وبعدين مو شرط كل موضوع ينزل لازم يروح المميزة والا يعتبر موضوع فاشل ههه
الشي يجي حبة حبة وبشكل تصاعدي / وكلما الواحد طرح موضوع / كلما تعلم زيادة
لين تصير مواضيعه كلها مميزة ونتوهق عاد عقبها مع مشرفين قسم المميزة خخخ
اختصار الكلام /
نزلوا مواضيع لا نفقع وجيهكم ههههه
.،
النقطة الثانية اللي أحب أتكلم فيها
عزيزي الأوتاكو / عزيزتي الأوتاكوية
هل نسيت انك سعودي ؟ هل نسيت جوازك الأخضر المنطول في درج السيارة خخخ؟
هل نسيتي / عزيزتي الأوتاكوية / شنطة المدرسة؟ هل نسيتي انك ناطلة العباية
عند مدخل البيت خخخ؟
ترى هذا
واقعنا / ليش نتناساه؟
ليش ما نترك بصمتنا الخاصة في كل رد؟ ليش التجمل الزايد والتسميت خخخ؟
11 موضوع كافيه
بما اني اتابع غصبا عني كل يوم كل رد خخخ
اقدر اقول ان اقل من 50 ٪ من الردود مفيدة أو مهمة أو حتى ممتعة
يعني لو كل واحد ما حط رد "
فاضي " كان ممكن
الحين قاعدين نكتب الكافيه السابع مو الـ 12 خخخ
لا أحد يفهمني غلط !
أنا مو ضد اننا نرد ونقول اللي نبي لو هي سطرين / بالعكس هذه أصالة
لكن ما نحرص إننا "
نضيف " في كل رد / أو على
الأقل "
نضيف " مرة في اليوم
نضيف أي شي ممتع أو مفيد / وشوفوا شلون راح يرتقي الكافيه أكثر !
ومع وجود ناس أوتاكوية من قلب ! ماشاء الله عليهم / متأكد إننا بنغرق في
الإضافات خخخ
نرد وحنا حاطين في بالنا واقعنا والجواز والعباية وخرابيطنا خخخ
الردود بتتضاعف متعتها / ولما نضيف أييييييي معلومة عندنا بتتضاعف معرفتنا
وبين يوم وليلة بنلاقي موضوع الكافيه صار أحسن موضوع بـ منتديات اقلاع
بكبرها
"
اللي يضحك علي بيتصفق هههه "
" وش فايدة اننا نتطور بدون
طموح؟ وش اللي
يمنع نكون الأفضل؟ "
" الل
ي يرضى بالمكانة اللي هو فيها / بيتعدونه الناس
وهو قاعد "
" أحد يبي ناس تدوس على
خشمه خخخ ؟ أجل يالله
نشد الهمّة "
.،
وإجازة سعيدة للكل
موضوع: Otaku's Càfë Club 12 ~ 
السبت 24 أبريل 2010 - 17:31
)
!
